Cambios na organización da Consellería de Cultura e Turismo

|

Feijóo sinala que a posta en marcha do departamento autonómico "ex novo" comporta a creación de cinco xefaturas territoriais


O Goberno galego aprobada estrutura orgánica da Consellería de Cultura e Turismo, departamento que dirixe Román Rodríguez, e que o presidente, Alberto Núñez Feijóo, decidiu impulsar para "reforzar" dúas áreas crave na identidade e no desenvolvemento económico de Galicia, "acrecentando as sinerxias" entre as respectivas políticas sectoriais.


O conselleiro de Cultura, Román Rodríguez, en Comisión

Román Rodríguez, conselleiro de Cultura


Deste xeito, refúndense nunha única carteira atribucións, facultades, competencias e funcións que ata agora exercíanse na Consellería de Cultura, Educación e Ordenación Universitaria como a Axencia Turismo de Galicia.


A nova Consellería integra, ademais da materia turística, os órganos con competencias nos ámbitos da promoción da cultura e do patrimonio cultural, e aqueles relacionados coa defensa e promoción da lingua galega.


Como novidades, dentro da Secretaría Xeral Técnica créase unha Subdirección Xeral de Innovación e Coordinación Administrativa, que se dota cun Servizo de Innovación e Formación, de funcionamento transversal para o conxunto da Consellería.


No ámbito do patrimonio cultural ponse en marcha o Servizo de Inventario, pasando o Servizo de Museos a formar parte da Dirección Xeral de Políticas Culturais, neste caso, dentro da Subdirección Xeral de Arquivos e Museos.


CINCO XEFATURAS

Na citada Dirección Xeral, tamén cambia a denominación da Subdirección Xeral de Bibliotecas, que pasa a ser Subdirección Xeral de Bibliotecas e do Libro. A fin de impulsar o traballo desenvolto no Centro Galego de Arte Contemporánea (CGAC), impúlsase o Consello Asesor deste órgano.


Feijóo concluíu que a posta en marcha deste departamento autonómico "ex novo" comporta a creación de cinco xefaturas territoriais.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress