Xuntos Actúa denuncia ante a Fiscalía do Estado a Vox por "incitar á violencia" e ser "unha organización fascista"

|

A forza política sinala que detrás da subida de Vox escóndense algúns dos últimos actos violentos, como o do mozo agredido en Pontevedra por levar unha camiseta galeguista.


Rolda de prensa de Xuntos Actúa en Ferrol.


O secretario xeral de Xuntos Actúa, Carlos do Río, asegurou este martes que Vox é "unha organización fascista" e que, "de non tomarse medidas a tempo", pode chegarse "a unha situación moi complicada en todo o Estado español". Por iso, a formación decidiu presentar desde Galicia unha denuncia ante a Fiscalía Xeral do Estado contra Vox, ademais de contra varios dos seus dirixentes --Santiago Abascal, Francisco Serrano e Inma Sequi--, por un posible "delito de odio ou fomento da violencia contra grupos ou persoas determinadas por motivos racistas, étnicos, ideolóxicos ou relixiosos".

Así o asegurou Do Río nunha comparecencia realizada no mediodía deste martes na sede do Ateneo Ferrolán, onde explicou que a demanda é "de sentido común ante as afirmacións e desmáns que un partido político como Vox está tido día tras día". A denuncia foi entregada na mañá deste luns, 10 de decembro, en Madrid.

O secretario xeral de Xuntos Actúa asegurou que a formación liderada por Santiago Abascal "busca, cunha actitude agresiva, o regresar a un guerracivilismo, enfrontando a comunidades autónomas, unhas contra outras, poñendo a violencia de xénero e ás mulleres nunha situación denigrante", ademais de xerar "odio cara aos inmigrantes".

Por iso, chamou a atención sobre a necesidade de que "a sociedade española esperte dun discurso e uns insultos fáciles que poden levar a unha catástrofe no Estado".

CASO DE ATAQUES PERSOAIS

O portavoz de Xuntos Actúa, Carlos Armada, culpou aos portavoces de Vox de ser os responsables, co seu discurso, de "certos actos de violencia". "Xa deuse unha agresión de tipo psicolóxico e case físico no domicilio dunha persoa, como é Susana Guerreiro, ao berro de fóra bollera e tortillera", indicou, ademais de citar o caso dun mozo pontevedrés que vestía unha camiseta cunha bandeira nacionalista e que foi "agredido ao berro de España nación, fóra deste país".

O portavoz de Xuntos Actúa tamén mostrou unha mensaxe de Twitter de Santiago Abascal, líder de Vox, no que comentaba unha noticia sobre a detención de 15 mozos por unha agresión sexual e apuñalamento. Con esta noticia, apuntou, empregaba o feito de que os detidos eran magrebís para asegurar que "hai que expulsalos e esixir responsabilidades aos que os trouxeron, e aos que lles seguen chamando".

En canto á decisión de presentar esta denuncia ante a Fiscalía Xeral do Estado, Armada apostou por "poñer á Estar fronte as súas propias contradicións". "Estamos ante un Estado post franquista, que non eliminou as sombras do fascismo e entendemos que, ante as manifestacións de Vox, a Fiscalía Xeral do Estado debería de actuar xa de oficio, e non o fixo", resolveu.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress