Xunta e Concello unen forzas para “desahuciar” aos xabarís da cidade

|

A decisión de rozar as zonas de refuxio dos animais chega despois da reunión mantida entre representantes de la Xunta, o Concello de Lugo, Forzas de Seguridade, sindicatos e a Federación de Caza. A presenza de xabarís dentro da cidade empeza a ser un problema de primeira orde.


Jabalies lugo

Un xabaril nunha zona urbana


José Manuel Balseiro, delegado en Lugo da Xunta, asegura que houbo "un amplo consenso de todas as partes implicadas", á vez que avanzou que van remitir un mapa ao Concello coas posibles zonas de refuxio dos animais para acometer, se é posible, o roza inmediata deses espazos. A partir de aí, seguirase coa toma de medidas necesarias.

Pola súa banda, o concelleiro de desenvolvemento sustentable, Daniel Piñeiro, mostrou o seu disposición a colaborar "en todo o que sexa posible desde o ámbito municipal", tanto na vixilancia da roza de determinadas parcelas como na regulación do tráfico mentres se realizan os traballos.


Piñeiro precisou que "é importante que a Xunta asuma as súas responsabilidades nesta materia" e apunta a posibilidade de analizar a medio prazo se hai un aumento da poboación deste animal para ver se hai que controlar a especie a nivel provincial.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress