Rosario Porto, nai de Asunta, tratou de suicidarse no cárcere

A nai de Asunta Basterra tentou acabar coa súa vida mentres cumpre unha condena de 18 anos de prisión polo asasinato da súa filla adoptiva.

Rosario Porto durante o xuízo

Rosario Porto atópase actualmente sometida a unha vixilancia estrita despois de haber tentado atentar contra a súa vida, motivando así que se reforzase o protocolo de prevención de suicidios da prisión da Lama, onde cumpre unha condena de 18 anos.

Os feitos sucederon o pasado día 12 de novembro, cando unha interna alertou de que Rosario habíase enroscado ao redor do pescozo un cordón nas duchas. Os funcionarios acudiron a auxiliala e evitaron que sufrise lesións maiores.

Non é a primeira vez que a nai adoptiva da pequena Asunta trata de autolesionarse, xa que en febreiro foi atendida despois de inxerir un medicamento coa intención de lesionarse.