Comité da ONU advirte que reabrir a mina de Touro podería facer que o Camiño de Santiago deixase de ser Patrimonio da Humanidade

|


Un comité asesor da Unesco denuncia que o proxecto de reapertura da mina de Touro ameaza seriamente a conservación e o futuro do Camiño Francés do Camiño de Santiago. Así o revela a Fraternidade Internacional do Camiño de Santiago (FICS), citando un documento oficial dun organismo consultivo da ONU.



Peregrinos andando con choiva no Camiño de Santiago.

Peregrinos no camiño de Santiago


Unha advertencia de calado, dado que o Consello Internacional de Monumentos e Sitios, tamén coñecido como ICOMOS (da sigla en inglés International Council on Monuments and Sites), é o encargado de propoñer os bens culturais que, como o Camiño, gozan da distinción de ser Patrimonio Cultural da Humanidade.


O informe de ICOMOS, citado pola FICS, denuncia que o proxecto supón "unha clara violación das regulacións de protección" do Camiño "contravinindo lexislación -nacional e internacional- en vigor na actualidade". O documento asegura que o proxecto viola "os compromisos adquiridos polo Estado Español cando inscribiu o Camiño na lista de sitios Patrimonio da Humanidade". 


ADVERTENCIA

Ante isto, o documento lembra que "a perda dos valores excepcionais polo cales un ben cultural foi incluído na lista de Bens Patrimonio da Humanidade,  ou se a administración responsable non recoñece os perigos potenciais ou existentes que afectan o lugar, significa que ese lugar pode ser excluído da lista UNESCO de lugares Patrimonio da Humanidade".


Segundo o documento, a reapertura supoñería a destrución da vía entre os lugares que Quion e Arca, por onde pasan 2,7 millóns de peregrinos ao ano. Ante este "informe técnico", a FIC insiste en que a Xunta debe parar xa a tramitación do expediente de reapertura que promove a multinacional Atalaya Minning, a través da galega Cobre San Rafael.


O goberno galego xa advertiu á empresa que tal e como presentou a documentación non ía aprobar a reapertura. Agora ben, a compañía presentou nova documentación que están a avaliar en San Caetano. Entre os informes iniciais dos técnicos de la Xunta filtrados no seu día non se facía referencia ao Camiño.


A mineira non respondeu por agora ao informe de ICOMOS referenciado desde a FIC.



Lavandeira, de Atalaia Mining, empresa que quere explotar a mina de Touro



Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress