Entidades de hispano-portuguesas reclaman impulsar o Corredor Atlántico

|

Ante o próximo cume bilateral en Valladolid, a A Rede Ibérica de Entidades Transfronteirizas defende a elaboración dun tratado bilateral España-Portugal actualizado ademais da constitución dunha comisión para potenciar o corredor



181106 AX Riet Fundao 2

Reunión da asemblea  da Rede Ibérica de Entidades Transfronteirizas, RIET


Os dirixentes municipais, empresariais e académicos da fronteira hispano portuguesa na súa totalidade, integrados na RIET (Rede Ibérica de Entidades Transfronteirizas) reuníronse en asemblea xeral na localidade portuguesa de Fundão para analizar as accións propostas a ambos os gobernos para ser debatidas no próximo Cume Ibérico, o 21 de novembro en Valladolid e que implican solucións aos problemas que impiden o desenvolvemento na fronteira.


Durante a reunión a RIET aprobou unha moción na que solicita ao cume ibérico que se cre un grupo de traballo para impulsar o corredor do Atlántico e os investimentos e medidas complementarias en todos os ámbitos para garantir o desenvolvemento do Atlántico. Na moción aprobada, a RIET destaca que o Atlántico representa a totalidade da fronteira máis longa de Europa, integrada por territorios de baixa densidade en alerta vermella demográfica. Por tanto está en causa a cohesión da península ibérica e a súa competitivad económica e social no escenario europeo post crise.


Entre estas propostas analizáronse tamén as medidas para combater os incendios, contidas nun documento elaborado polo Eixo Atlántico, membro da RIET.


España e Portugal manteñen a fronteira máis longa e estable de Europa, o que fai necesaria unha dobre diplomacia: a tradicional entre ambos os estados e unha específica de fronteira que contempla os problemas da poboación que viven neste territorio


Neste espazo existen problemas, pero tamén oportunidades de colaboración, en asuntos relacionados co transporte, a planificación sanitaria conxunta, a compartición de recursos educativos ou o combate conxunto contra os incendios. Uns obxectivos de colaboración que para desenvolverse requiren da elaboración dun tratado bilateral adecuado aos tempos tal e como propón RIET no documento que se fixo chegar á ambos os gobernos.


Sobre a Rede Ibérica de Entidades Transfronteirizas de Cooperación (RIET)

A Rede Ibérica de Entidades Transfronteirizas de Cooperación (RIET) é un proxecto nado en 2009, constituído por organizacións municipais, empresariais e de educación próximas á fronteira de España e Portugal. A RIET foi creada co obxectivo de promover a cooperación transfronteiriza, o desenvolvemento socio-económico nos territorios fronteirizos e de establecerse como unha soa comunidade de interese ante os gobernos de España, Portugal e Unión Europea.

Actualmente, a RIET está formada por 8 asociacións empresariais, 8 entidades transfronteirizas e 10 universidades ao longo de toda a fronteira entre España e Portugal.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress