Cara á folga indefinida das traballadoras de elaborados do mar

Se en dúas semanas non hai novo convenio, as operarias transformarán os seus paros en indefinidos. Así o acordaron hoxe as asalariadas e os tres principais sindicatos do país.

CIG, UXT e Comisións aseguran que tamén pactaron un calendario de protestas. O obxectivo é que a patronal se mova e superar un convenio que fixa unhas condicións laborais de "escravitude", por exemplo con salarios por baixo dos 700 euros nalgúns casos.

O calendario inclúe un acto no Porto de Marín e outro no Parlamento de Galicia. As traballadoras reuniranse cos grupos parlamentarios. Ademais, repartirán folletos nas tendas de conxelados.