Pacientes de psiquiatría andan con mantas pola falta de calefacción

O Hospital Gil Casares acaba de sufrir un novo derrube nun dos seus teitos interiores. Un exemplo máis da deterioración deste centro do SERGAS.

Un anterior derrube no Gil Casares

Así, Comisión Obreiras Sanidade alerta das "múltiples queixas" polo "mal funcionamento da calefacción na planta de psiquiatría". O sindicato asegura que os pacientes teñen que "andar por esta unidade cubertos por mantas".

A Xunta ten previsto pechar o Gil Casares, ante a ampliación do CHUS e a construción dunha nova facultade de medicina no campus sur de Santiago de Compostela. CC.OO. entende que isto non xustifica a falta de mantemento mentres continúa aberto ao público.

O novo derrube -xa houbo polo menos outro- se produciu "na tarde do mércores, cando caeu parte do teito da planta baixa do hospital". Algo "previsible" pois a zona presentaba un "buraco" hai tempo. 

O sindicato esixe investir no centro mentres funcione, "se non queremos que un día se produza unha desgraza".