O presidente Feijóo cobrará ao mes 6.224 euros ao mes

O proxecto de orzamentos presentado esta semana prevé un aumento do salario dos altos cargos do 2,4%.

As contas autonómicas tamén contemplan un mantemento do soldo dos altos cargos de la Xunta, á espera da subida do 2,4% que se aplicará cando o habilite o Goberno central e que é un incremento que será xeneralizado para todos os empregados públicos.

Así, o presidente do Goberno autonómico, Alberto Núñéz Feijóo, cobrará en principio (ao 1 de xaneiro) 74.691,36 euros anuais /, o vicepresidente e os conselleiros, 65.188,20 euros; e os secretarios xerais, 57.149,8 euros.

O conselleiro maior de Contas percibirá (como o resto, á marxe de retribucións por antigüidade que lles toque recibir) 69.372,12 euros.

Estas sumas son uns 1,75% superiores ás que recollía o proxecto de 2018, debido a que a mediados de ano aplicouse esa alza ao saír adiante as contas do Estado.

Así o recolle o proxecto de orzamentos de la Xunta para o ano que vén, documento que entregou este venres o conselleiro de Facenda, Valeriano Martínez, ao presidente do Parlamento, Miguel Santalices.

MÁIS DE CINCO MILLÓNS

Para persoal eventual, o proxecto de orzamentos de 2019 arroxa unha cifra total no Goberno superior aos 5,3 millóns de euros.

Presidencia reserva para si algo máis que no proxecto de de 2018, ao pasar de case 1,66 millóns a un pouco máis de 1,67, a pesar de perder o departamento de Turismo.

Pola súa banda, Vicepresidencia baixa lixeiramente cun montante duns 740.000 euros. Mentres, contemplan un total de 261.786,68 euros as consellerías de Facenda, Medio Ambiente, Infraestruturas e Mobilidade, Educación, Universidades e Formación Profesional, Sanidade, Política Social, Medio Rural e Mar.

Economía, Emprego e Industria ten para este fin unha partida superior aos 405.600 euros. Ao persoal eventual de Cultura, tras perder Educación e sumar Turismo, correspóndelle un gasto de 405.173 euros, divididos en dous ámbitos: 380.293 euros na Secretaría Xeral Técnica e 24.880 na de Política Lingüística.