A mineira de Touro sobe un 15% en bolsa por un "movemento especulativo"
As accións de Atalaia Minning, que pretende reabrir a mina de Touro, disparáronse máis dun 15% desde que o xoves filtrouse que a multinacional busca comprador. Nesa data os títulos na bolsa de Londres cotizaban a unhas 225 libras e hoxe luns están estabilizados ao redor das 259,5. Unha subida artificial, en opinión dun colectivo ecoloxista.
As accións de Atalaya Minning, que pretende reabrir a mina de Touro, disparáronse máis dun 15% desde que o xoves filtrouse que a multinacional busca comprador. Nesa data os títulos na bolsa de Londres cotizaban a unhas 225 libras e hoxe luns están estabilizados ao redor das 259,5. Unha subida artificial, en opinión dun colectivo ecoloxista.
Mina de Touro
Boas noticias a curto prazo para os investidores chineses, norteamericanos e suízos, que son maioría na transnacional baseada en Chipre. Ademais, o prezo da acción disparouse un 23,6% no últimos seis meses e un 66% no último ano.
Iso a pesar das recentes malas noticias para a compañía. O seu gran activo, a mina de Río Tinto en Huelva, recibiu un duro golpe ao fallar o Tribunal Superior de Xustiza de Andalucía que o estudo de impacto ambiental era nulo. En Galicia, a reapertura do xacemento de Touro-O Pino segue no aire, despois de que a Xunta advertise que tal e como presentou Cobre San Rafael a primeira documentación non sairía adiante.
Desde Ecoloxistas en Acción, vinculan o anuncio de venda á decisión de TSJA. Na súa opinión, os accionistas saben que finalmente a Xustiza mandará deter a actividade en Río Tinto, polo que -en declaracións a La Razón- aseguran que se trata dun "movemento especulativo".
Atalaia Minning anunciou unha produción récord de cobre en Río Tinto no último cuadrimestre.
Escribe o teu comentario