Detido o home que publicaba nunha web porno vídeos de mulleres na rúa

A Policía Nacional de Santiago detivo ao autor das publicacións colgadas nun coñecido portal porno. As imaxes das mozas eran tomadas sen o seu consentimento na cidade de Santiago de Compostela. Son xa varias as denuncias das afectadas que protagonizan os vídeos, que desgraciadamente xa acumulan miles de visitas na rede.

Fachada da comisaría de Santiago de Compostela

O modus operandi do autor dos vídeos era perseguir a grupos de mozos e mesmo nenas menores de idade na Zona Nova de Santiago e tomar imaxes principalmente do seu traseiro, aínda que en varias tomas dos vídeos chégase a ver a cara das afectadas. No día de onte as redes sociais xa deron a voz de alarma e moitas publicacións denuncian estes actos e animaban a outras mozas para estar alerta ou, no caso de que pasasen polo mesmo, a interpoñer unha denuncia contra o autor.

Aínda que foi onte cando saltou a alarma, os vídeos poden levar tempo circulando pola rede, aínda que na actualidade ese contido desapareceu da web. O detido, que no portal pornográfico opera baixo o nome de usuario ‘Capa de armadillo’, foi rastrexado pola policía grazas ao perfil da web.