Silva tomará medidas contra o alcalde que a chamou "chacha para todo"

|


Carmela Silva e o alcalde do Grove na Festa do Marisco.


A presidenta da Deputación de Pontevedra, Carmela Silva, asegurou este sábado que vai tomarse o fin de semana como "unha época de reflexión" para "analizar que se vai a facer", "que accións van tomar" contra o alcalde de Vilanova de Arousa, Gonzalo Durán, "en defensa dos dereitos de todas as mulleres", e o luns anunciaraas.

Así o afirmou na Festa do Marisco do Grove, en referencia ás declaracións realizadas este venres polo alcalde de Vilanova de Arousa durante a súa crítica á Deputación de Pontevedra, nas que tachaba a Carmela Silva de "chacha para todo" do alcalde "ancián" de Vigo, Abel Caballero.

"As mulleres estamos fartas de machismo, de que se nos ataque polo simple feito de ser mulleres", reivindicou Silva. "Eu este fin de semana vou tomar como unha época de reflexión para analizar que vou facer, que accións vou tomar, non no meu nome, senón de todas as mulleres; e, o luns, anunciarei cales son as medidas que, en defensa dos dereitos de todas as mulleres, vai tomar a presidenta da Deputación", asegurou.

Ademais, esperou que "Núñez Feijóo e Rueda saian hoxe denunciando claramente este tipo de afirmacións e comportamentos, porque é obrigado, non podemos consentir que ninguén, pero particularmente representantes públicos, fagan esas afirmacións tan terribles".

Sobre o seu labor á fronte da Deputación, asegurou que "a presidenta chegou a esta provincia para cambiar a provincia, para traer a igualdade, para que todas as mulleres poidan loitar polos seus dereitos, para transformar a provincia, facer que sexa unha provincia máis próspera, con máis riqueza, con máis distribución da riqueza, iso é o que non lles gusta e é o que vai continuar facendo".

"Tiña moita razón Don Quixote: pois aquí estamos e seguimos cabalgando: esta provincia é outra provincia desde fai tres anos e vai seguir sendo unha provincia no próximos catro", aseverou Silva.

"Eu xa se que hai moitos homes e representantes públicos, particularmente no Partido Popular, que non soportan ver a unha muller empoderada, e cada día somos máis as que estamos empoderadas e chegamos para quedarnos, aquí estamos, cun sorriso", afirmou, e engadiu que, "fronte aos insultos, ideas; fronte aos insultos, propostas; e fronte aos insultos, sorrisos".

DECLARACIÓNS DE GONZALO CABALLERO
Ante esta polémica, este mesmo sábado en rolda de prensa, o secretario xeral do PSdeG, Gonzalo Caballero, subliñou que "Feijóo e Casado deben tomar todas as medidas para que os dereitos das mulleres tamén estean na actividade política, sen que existan ataques contra a dignidade das mulleres cando desenvolven as súas tarefas públicas".

"Feijóo debe pronunciarse sobre as declaracións do alcalde de Vilanova antes do debate do Estado de Autonomía, rectificar as declaracións do seu alcalde e tomar todas as medidas para que este tipo de declaracións non se volvan a producir en Galicia por parte de ningún representante de institucións públicas do PP", solicitou.

"Feijóo quere ser o referente do avance do PP e consente e é cómplice dunhas gravísimas declaracións do alcalde de Vilanova contra unha presidenta da Deputación de Pontevedra que está a facer unha magnífica xestión", sentenciou Caballero.

DECLARACIÓNS DO ALCALDE DO GROVE
Nesta mesma liña de reivindicación, o alcalde do Grove, José Antonio Cacabelos, incidiu en que Feijóo "está a tardar xa moitos minutos en solicitar que o alcalde de Vilanova abandone, como mínimo, o Partido Popular".

"Apelo a todas as mulleres do Partido Popular --conselleiras, parlamentarias, alcaldesas, concelleiras-- a que falen no alto e digan e exprésense sobre os rebuznos feitos onte polo alcalde de Vilanova", manifestou Cacabelos.

"Unha muller non é unha chacha, é o 52% da poboación, a parte fundamental desta sociedade, e Carmela Silva é o exemplo de talento, capacidade e traballo, do que significa facer as cousas e cambialas, e un claro exemplo do que significa ser muller", expresou o alcalde do Grove, que engadiu que "non podemos permitir que un alcalde faga unhas declaracións como as que onte tivemos que soportar; non escoitar, soportar".

Finalmente, asegurou que o Partido Popular "non soporta que a Deputación de Pontevedra deixase de ser un feudo do Partido Popular, e menos soporta que a presidenta sexa unha muller, muller con gran capacidade que está a cambiar a provincia".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress