Caballé morre aos 85 anos en Barcelona

A artista padecía desde facía tempo unha enfermidade. Nos últimos anos someteuse a intervencións cirúrxicas delicadas que a mantiveron apartada dos escenarios durante longos períodos.

O funeral será o luns ao mediodía no Tanatorio de Lles Corts, mentres que o velorio será este domingo a partir das 14 horas no mesmo centro, segundo fontes funerarias.

A Caballé levaba varios anos apartada dos actos públicos, xa que tiña problemas de mobilidade. En 2010 sufriu un tumor cerebral e un ictus posterior que lle obrigaron a apartarse dos escenarios definitivamente. 

En marzo de 2017 subiu por última vez a un escenario para recibir  un premio á súa traxectoria artística por parte do Real Círculo Artístico de Barcelona e Òpera Jove de Catalunya.

Unha das grandes divas da ópera, Montserrat Caballé debutou profesionalmente en 1956 e retirouse hai uns anos, ofrecendo máis de 4.000 actuacións durante a súa exitosa carreira.

A soprano compartiu escenario cunha extensa lista de grandes artistas nacionais e internacionais. Ela mesma recoñecía que tiña especial feeling con Luciano Pavarotti, Plácido Domingo e José Carreiras.