Revolución na Xunta de Galicia a nivel de directores xerais

|

Feijóo modifica unha ducia de cargos medios e reordena algunhas consellerías ao fío da substitución de conselleiros da semana pasada. Hai modificacións en case todos os departamentos.


  Reunión do Consello da Xunta

O presidente da Xunta, Alberto Núñez Feijóo, deu un paso máis tras a remodelación do seu gabinete e reordenou as competencias do segundo nivel do Executivo autonómico, no que entran a concelleira do PP de Santiago Teresa Gutiérrez, como directora de Augas de Galicia, e o deputado popular e exalcalde de Cerdedo --antes da fusión con Cotobade--, Silvestre Balseiros, como director xeral de Gandaría.

CESE EN AUGAS DE GALICIA
Tras o Consello da Xunta, Feijóo anunciou o nomeamento de Teresa Gutiérrez e agradeceu os servizos prestados a Roberto Rodríguez, que ocupaba o cargo de Augas desde novembro de 2015 e que cesa --subliñou-- para "dedicarse a outras actividades".

Gutiérrez é enxeñeira de Camiños e a súa traxectoria profesional está vinculada á xestión da auga na Administración autonómica desde o ano 2003, no que ingresou na Empresa Pública de Obras e Servizos Hidráulicos. Entre 2013 e 2014, ocupou a Dirección Xeral do Instittuo Galego da Vivenda e Solo, e actualmente é concelleira en Santiago.

OUBIÑA, NOVA DEPUTADA
Tamén foi nomeado director xeral de Gandaría, Agricultura e Industrias Agroalimentarias a Silvestre Balseiros, que deixará o Parlamento de Galicia. A saída de Balseiros na Cámara provocará que corra a lista do PP por Pontevedra e entre no Pazo do Hórreo Rosa Oubiña.

Balseiros, que foi alcalde de Cerdedo antes da fusión con Cotobade e posteriormente desempeñou a vicepresidencia do concello Cerdedo-Cotobade, actualmente era vogal da comisión especial do ámbito forestal e de inendios e portavoz desta mesma área dentro do grupo parlamentario popular.

ILDEFONSO DE LA CAMPA E MÁIS NOMEAMENTOS
Pola súa banda, Belén do Campo, que ocupaba a Dirección Xeral de Gandaría, substitúe a Ana María Díaz López como directora xeral de Patrimonio Natural. Do Campo foi deputada e senadora, e tamén delegada territorial da Xunta na Coruña entre 2011 e 2015.

Feijóo agradeceu o traballo feito por Ana María Díaz, quen ocupaba este posto desde o ano 2015 e que asumirá, subliñou, "outras responsabilidades" no mesmo departamento.

Na listaxe de novos cargos, foi designado novo director xeral de Maiores e Persoas con Discapacidade Ildefonso de la Campa, quen actualemnte era asesor na Dirección Xeral do Gabinete da Presidencia.


IDELFONSO DE CÁMPAA
Idelfonso de la Campa

Vigués, ata hai uns meses ocupaba o cargo de director xeral de Migracións na Secretaría Xeral de Inmigración e Emigración, dependente do Ministerio de Emprego e Seguridade Social.

INTERCAMBIO NAS SECRETARÍAS DE MEDIO AMBIENTE E MEDIO RURAL
Por outra banda, Carmen Bouso, licenciada en Dereito, deixa a Secretaría Xeral Técnica da Consellería do Medio Rural, cargo ao que accedera en 2015, e pasa a ocupar o mesmo posto pero na Consellería de Medio Ambiente, Territorio e Vivenda, na que substitúe a María Jesús Lorenzana Somoza.


Esta, á súa vez, foi designada secretaria xeral técnica da Consellería do Medio Rural. Tamén licenciada en Dereito é, desde o ano 2007, letrada da Xunta.

MANUEL VILA, SECRETARIO XERAL DE CULTURA
Así mesmo, o Consello da Xunta aprobou o decreto polo que se nomea secretario xeral técnico da Consellería de Cultura e Turismo.

Licenciado en Dereito, ata o momento era subdirector xeral de Ordenación, Innovación Educativa e Formación do profesorado.

Con estes cambios, Feijóo asegurou que as cuestións "básicas" do Executivo quedan solucionadas, aínda que non descartou algún axuste máis. Non aclarou se o novo conselleiro de Medio Rural, José González, deixará a Cámara, unha decisión que se pechará antes de que finalice o mes de outubro.


ESTRUTURA ORGÁNICA
A nova estrutura orgánica sustenta a última remodelación de Feijóo, coa que se crea a Consellería de Cultura e Turismo e reordénanse as competencias dos departamentos de Educación, Universidades e Formación Profesional; Medio Ambiente, Territorio e Vivenda; e Infraestruturas e Mobilidade.

Na nova Consellería de Cultura intégranse a Axencia de Turismo de Galicia, que dirixe Román Rodríguez, os órganos con competencia en materia de patrimonio e os relacionados coa defensa e promoción da lingua galega.

Tamén se integran a Dirección Xeral de Políticas Culturais, a Dirección Xeral de Patrimonio Cultural e a Secretaría Xeral de Política Lingüística.


En Infraestruturas e Mobilidade (que dirixe Ethel Vázquez) unifícanse as competencias relativas a obras públicas coa incorporación de Augas de Galicia. Mentres, no medio Ambiente, Territorio e Vivenda (con Ángeles Vázquez á fronte) agrúpanse xunto ás competencias de urbanismo e paisaxe, as relacionadas coa vivenda e rehabilitación, adscribíndose a esta consellería o Instituto Galego de Vivenda e Solo.

En Educación, Universidade e Formación Profesional refórzanse  " este tipo de ensinos e "dáselle a visibilidade e a capacidade de xestión que esixe a empleabilidad". Adscríbese ao departamento de Carmen Pomar a Axencia para a Calidade do Sistema Universitario de Galicia.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress