Así votaría hoxe Galicia nunhas eleccións xerais, segundo o CIS
Un dos aspectos máis polémicos do último barómetro do CIS na inclusión de datos de intención de voto desagregardos por autonomías. En Galicia, o instituto estatal sitúa por diante ao PSOE, con case tres puntos de vantaxe sobre o PP.
Un dos aspectos máis polémicos do último barómetro do CIS é a inclusión de datos de intención de voto desagregardos por autonomías. En Galicia, o instituto estatal sitúa por diante ao PSOE, con case tres puntos de vantaxe sobre o PP.
Barómetro do CIS en setembro para Galicia
Un gran envorco electoral nunha autonomía na que os conservadores son case sempre a forza máis votada. Con todo, manexando as variables de intención de voto e de simpatía da última enquisa, as cousas cambian, e moito.
Os socialistas obterían o 21,4 por cento, fronte ao 18,9 do PPdeG. En Marea vería que a súa terceira posición estaría en serio risco, pois Cidadáns písalle os talóns, con 11,7% fronte aos 12,2% da confluencia.
A fiabilidade destes datos está lastrada pola ausencia do Bloque. O CIS non pregunta polos nacionalistas ao non ter o BNG escano nas Cortes.
Ademais, case o 20,4 asegura que non votaría e máis do 3% di que non sabe a quen elixiría.
RIVERA, O PREFERIDO EN GALICIA
A nivel de líderes, gana Albert Rivera, con case un 4 (3,94). Moi preto estaría a nova cara do PP, Pablo Casado, cun 3,91. Pedro Sánchez quedan cun 3,58 e Pablo Iglesias cun 2,62. É dicir todos estarían suspensos.
Escribe o teu comentario