Así é a nova canle de literatura infantil e xuvenil de Kalandraka

A editorial Kalandraka embarcouse nun novo proxecto: "Kalandraka.tv", unha canle de televisión dixital sobre literatura infantil e xuvenil onde hai entrevistas, reportaxes, recomendacións, experiencias escolares, actualidade, recomendacións literarias ou experiencias lectoras, entre outros moitos contidos.

|

A editorial Kalandraka embarcouse nun novo proxecto: "Kalandraka.tv", unha canle de televisión dixital sobre literatura infantil e xuvenil onde hai entrevistas, reportaxes, recomendacións, experiencias escolares, actualidade, recomendacións literarias ou experiencias lectoras, entre outros moitos contidos.




Xosé Ballesteros, director editorial de Kalandraka, definiu esta canle de televisión dixital como unha "xanela aberta" a través da cal será posible descubrir a quen crea os libros, penetrarse nas súas obras e nos seus procesos de traballo.


Ademais, este espazo permitirá descubrir "os lugares onde habitan os libros" e servirá tamén como punto de información de novidades editoriais e as últimas actividades ao redor do libro e da lectura.


Kalandraka enmarca esta iniciativa, segundo explicou Ballesteros, no labor de "animación á lectura" necesaria para as editoriais, sobre todo tendo en conta que "de cada 10 libros que se publican 6 pertencen a dous grandes grupos".


"Darlle visibilidade aos libros é moi complicado", dixo o director desta editorial especializada en literatura infantil e xuvenil que conta cunha traxectoria de máis de 20 anos. "Cada vez hai menos espazos para falar de literatura infantil e xuvenil", lamentou. "Esas limitacións queremos revertelas", agregou.


Desde este xoves xa é accesible na internet kalandraka.tv cos contidos nos que estiveron traballando ao longo do último ano nun formato que segue a pauta establecida pola editorial de publicar obras de gran calidade estética e literaria.



Kalandraka


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE