As películas Trote e Gallo da produtora galega Frida Films preséntanse no Festival de Cinema de San Sebastián
Trote e Gallo son os dous filmes encabezados pola produtora galega Frida Films que se presentan a próxima semana no Festival de Cinema de San Sebastián nas seccións Zabaltegi-Tabakalera e Zinemira
Imaxe de Trote
Trote e Gallo son os dous filmes encabezados pola produtora galega Frida Films que se presentan a próxima semana no Festival de Cinema de San Sebastián nas seccións competitivas Zabaltegi-Tabakalera e Zinemira, respectivamente.
Trote, a primeira longametraxe de Xacio Baño (Xove, 1983), é a loita entre a razón e o instinto. Unha historia protagonizada por Carme, que vive nunha aldea das montañas do interior de Galicia, e que ten lugar durante o fin de semana en que se celebra rápaa dás Bestas, a loita ancestral do home e o cabalo. A chegada do seu irmán Luís e a súa parella María á casa familiar leva a Carmen a experimentar a loita entre o home -a razón-, e o cabalo -o instinto-.
Tráiler de Trote
Trote foi presentada a nivel internacional no festival suízo de Locarno o pasado mes de agosto e preséntase agora en San Sebastián, onde xa foi seleccionada en 2016 para o programa de residencias Ikusmira Berriak.
Baño e parte do seu equipo desprazaranse ata San Sebastián para participar na presentación da súa película e no coloquio, igual que o fará Antonio Díaz Huerta, o director de Gallo, un documental realizado entre Galicia, o País Vasco e California e que conta a historia dun surfeiro cego e de como afrontou os seus propios medos.
O que foi director de series como O Internado e Lúa, o misterio de Calenda conta a historia do surfeiro Aitor Francesena, que lonxe de acatar as recomendacións médicas de non volver practicar surf por mor dun glaucoma congénito, decide plantar cara aos seus medos e revivir o accidente no que perdeu a vista mentres surfeaba cinco anos atrás.
Imaxe de Galo, que aínda se atopa en fase de postproducción
Ademais Trinta Lumes, a primeira longametraxe de Diana Toucedo (Pontevedra, 1982), reforza a presenza galega no festival. Proxectarase os días 23, 24 e 25 como parte de Made In Spain, a sección non competitiva do festival que busca reflectir o panorama do cinema español deste ano.
Escribe o teu comentario