Cinco novos centros para recuperar puntos do carné de conducir abren este luns na provincia de Ourense
Os centros están situados na capital provincial, no Barco de Valdeorras, no Carballiño, en Verín e en Xinzo de Limia
A provincia de Ourense contará, a partir deste luns, con cinco novos centros de recuperación de puntos e cursos de sensibilización tras delito contra a seguridade viaria da Dirección Xeral de Tráfico (DXT).
En concreto, segundo informou esta institución nun comunicado, estas instalacións situaranse na capital provincial, no Barco de Valdeorras, no Carballiño, en Verín e en Xinzo de Limia.
Deste xeito, estes novos centros elevan ata oito os dispoñibles na provincia, xa que ata agora soamente Ourense cidade, O Barco e Verín contaban cun.
Os cursos que se poden realizar son de recuperación parcial de puntos -ata un máximo de sei--, outro de recuperación total de puntos --necesarios cando se perden todos-- e outro de sensibilización tras un delito contra a seguridade viaria.
Escribe o teu comentario