"A Corral contratárono para pechar tamén Vestas Viveiro"
Un representante dos traballadores de Vestas León desvela como os daneses contrataron a un executivo especialista en peches empresariais para clausurar esta factoría e a súa irmá Vestas Viveiro. A fábrica galega non pechou aínda, di, porque está pendente dunha subvención.
Un representante dos traballadores de Vestas León desvela como os daneses contrataron a un executivo especialista en peches empresariais para clausurar esta factoría e a súa irmá Vestas Viveiro. A fábrica galega non pechou aínda, di, porque está pendente dunha subvención.
Feijóo visitando Vestas Viveiro
O delegado de Comité de Empresa Pablo Martínez asegura que Vestas, de capital danés, enganoulles nas negociacións sobre o futuro de esta fábrica leonesa. En declaracións a Diario de León, argumenta que contratou a un directivo con experiencia en despedimentos e peches de grandes compañías, como Jazztel, para executar a manobra.
EN VIVEIRO TAMÉN MANDARON ADIANTAR A PRODUCIÓN
De acordo á súa versión, Jerónimo Corral tentou que adiantasen a produción e negou os despedimentos. O que tiña que estar feito para decembro, debería estar feito para setembro. Un adianto da produción que se tentou executar en León e que segue en marcha en Viveiro. En León o sindicalitas di que se deron conta do suposto engano ao chamar a outros provedores da súa factoría e descubrir a falta de encargos.
«A Jerónimo Corral contratáronlle para facerse cargo tamén do peche de Viveiro», engade o sindicalista. Vestas León leva meses de mobilizacións, con folgas e cortes da autovía, mentres a paz social mantense en Galicia, a pesar da preocupación dos traballadores e das autoridades luguesas.
O delegado cre que se a planta galega segue operando é porque ten algunha subvención pendente de cobrar. «A explicación máis sinxela é que se pecha unha, pecharemos todas», argumenta.
O certo é que a factoría leonesa era o principal cliente da súa irmá galega. En Viveiro fabrican aeroxeradores que agora, en principio, non teñen saída.
A empresa agárrase ao feito de que Vestas Viveiro tamén produce desde hai pouco paneis solares, pero esta actividade é por agora limitada, ocupando a ducias de operarios dos centos de contratados na industria da Mariña.
Escribe o teu comentario