O Concello de Ourense non aproba a celebración do Festival Intercultural do Barbaña por "garantir" a seguridade

Concello de Ourense

O Concello de Ourense anunciou que non aproba o Festival Intercultural do Barbanha (FIB) por "non contar cos permisos necesarios para a súa celebración" e por non responder os requisitos "que se lle transmitiron para garantir a seguridade dos seus participantes". 

Así o explicou nun comunicado, onde informa que as e os responsables do colectivo Espazo Cultural Aberto ESCuA "non cumpriron cos requisitos indispensables" para organizar o festival. O Goberno local declara que solicitou requirimentos legais como a petición de permisos perceptivos e a cobertura dos requisitos de seguridade e prevención de riscos, pero "o único trámite que realizaron foi o de presentar a solicitude". 

Tampouco abonaron, explica o Concello, as taxas de ocupación da vía pública, polo que "ante a falta de resposta dos organizadores para velar pola seguridade das persoas", o consistorio, que debe "evitar que se produzan incidentes como o ocorrido hai escasas semanas en Vigo", non autoriza a celebración do FIB.