Este luns abre a oficina de atención aos afectados polo derrube de O Marisquiño no concello

O Concello de Vigo abre, a partir deste luns, a oficina de atención aos afectados polo accidente de O Marisquiño, segundo avanzou o venres o alcalde, Abel Caballero.

Segundo explicou o rexedor, esa oficina estará dispoñible na planta baixa do edificio consistorial, e será atendida por técnicos municipais, que asesorarán aos afectados en todo aquilo que necesiten.

Ademais da oficina, seguirá operativo o teléfono 986.81.01.01. De feito, Caballero recomendou a aquelas persoas que teñan intención de achegarse a ese punto de información, que soliciten previamente cita por teléfono.