Iván Ferreiro homenaxea a Golpes Bajos no seu novo disco

Iván Ferreiro publicará o próximo 21 de setembro a través de Warner Music un novo disco de estudo titulado 'Cena recalentada' e integrado por versións de Golpes Bajos.

Este grupo galego, en activo durante o primeiro lustro da década dos oitenta, foi sempre un dos favoritos de Ferreiro, que agora decidiu renderlle homenaxe.

Ademais, dáse a circunstancia de que un dos seus membros, Pablo Novoa, é membro da banda de Ferreiro desde hai anos. Os seus outros integrantes foron Germán Coppini, Teo Cardalda e Luís García.

De feito, no álbum tamén colaboran o resto de membros vivos da formación, Teo Cardalda e Luís García. O seu cantante, Germán Coppini, faleceu en 2013.

Entre o repertorio de cancións, algunhas como 'Malos tiempos para la lírica', 'Lágrimas', 'No mires a los ojos de la gente', 'Hansel y Gretel', 'Santos de devocionario' ou 'Colecciono moscas'.