O PSOE dispárase e En Marea sofre na última enquisa do CIS

|

O último barómetro do CIS confirma a forte subida do PSOE tras lograr o Goberno de España. A coalición En Marea, lastrada polas súas loitas enternas, déixase a metade dos apoios que logrou nos últimos comicios.


O PSOE sería a forza máis votada se agora houbese eleccións, segundo o Barómetro do Centro de Investigacións Sociolóxicas (CIS) correspondente ao pasado mes de xuño. 


En concreto, tras a chegada de Pedro Sánchez ao Goberno, os socialistas obterían un 29,9% dos votos, sacando 9,5 puntos de vantaxe ao PP, que quedaría en segunda posición empatado con Cidadáns, mentres que Unidos Podemos e as súas confluencias esborrallaríanse ata un 15,6% de intención de voto.


Gonzalo Caballero e Pedro Sánchez

Pedro Sánchez co líder do PSdeG, Gonzalo Caballero


En Galicia, o presidente da Xunta prefire non dar importancia a esta tendencia. Alberto Núñez Feijóo avoga por "ser prudentes" porque "unha cousa é o efecto" Sánchez "e outra a realidade".


FORTE REVÉS PARA EN MAREA

En Marea, única forza galega da que o CIS ofrece datos desagregados, retrocede moito; ata perder a metade da porcentaxe das últimas xerais. A intención directa de voto á formación rupturista galega cae en concreto ao 0,5%, a metade que en outubro de 2017.


VALORACIÓN DOS MINISTROS

O ministro de Ciencia, Innovación e Universidades, o astronauta Pedro Duque, é o ministro de Pedro Sánchez mellor valorado e, cunha puntuación de 5,41, é o único membro do novo Goberno que supera o aprobado.


A continuación sitúanse o titular de Interior, Fernando Grande-Marlaska, cunha nota de 4,89 e a de Economía, Nadia Calviño, con 4,81 puntos. O cuarto, Josep Borrell (4,76) é ademais o máis coñecido polos españois, e o único ao que valorou case un 50 por cento dos enquisados.


No extremo máis baixo da táboa están a titular de Industria, Comercio e Turismo, Reyes Maroto, cun 4,31 e o de Agricultura, Pesca e Alimentación, Luís Planas, cun 4,39. Tamén son dos máis descoñecidos, xunto á titular de Xustiza, Dorloes Delgado, que, con todo, obtén unha nota de 4,51.


Os ministros recentemente chegados obteñen mellores notas que aquelas con as que se despediron os seus antecesores, xa que o pasado maio a mellor nota do Goberno de Mariano Rajoy, a de Soraya Sáenz de Santamaría, foi un 3,34.


Todos, ademais, superan en valoración ao presidente do Goberno, Pedro Sánchez, e iso que o seu 4,04 sitúalle case na cabeza dos líderes políticos -só supéralle, por unha centésima, o deputado de Compromís Joan Baldoví-.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress