Galicia crecerá case ao 3% este ano, segundo o Ceprede
O Centro de Predición Económica (Ceprede) prevé que Galicia será a sexta comunidade co maior crecemento do seu Produto Interior Bruto, segundo a súa última previsión do avance rexional do PIB en 2018.
Os datos mostran unha dispersión de crecemento de 1,5 puntos porcentuais de diferenza no avance rexional. Así, mentres unhas economías presentan un avance estimado superior ao 3%, outras se sitúan en torno ao 2%.
Neste sentido, Aragón continúa manténdose como a comunidade máis dinámica en 2018, cun avance previsto do 3,4%. Tras ela situaríanse Murcia (3,2%), Baleares (3%), Cataluña (2,9%), Navarra (2,9%) e Galicia (2,8%).
Cun crecemento estimado igual á media nacional colocan a Andalucía, Asturias, Castela-A Mancha, Comunidade Valenciana, Madrid, País Vasco e A Rioxa. Por baixo desta media sitúase o resto de comunidades, con avances de entre o 1,9% e o 2,4%.
Para obter as súas predicións, Ceprede tivo en conta 15 indicadores da actividade económica, como os afiliados á Seguridade Social, o IPI, o consumo de combustibles, as matriculacións, o comercio exterior ou as pernoitas. Esta información está modelizada considerando a base de datos oficial do INE para a contabilidade rexional (CRE).
Escribe o teu comentario