Taxistas galegos seguen en folga a pesar de que Uber e Cabify non teñen presenza na comunidade

|

Uber taxi 2 1


O colectivo galego de taxistas decidiu este luns secundar a folga das compañeiras e compañeiros cataláns desde o mediodía ata a medianoite deste mércores nunha reunión na Coruña onde, segundo fontes do sector, a decisión foi "unánime". 


A Federación Española de Taxi, Fedetaxi, reclama a nivel estatal a transferencia das competencias de licenzas para VTC (aluguer de vehículos con condutor) ás comunidades autónomas de forma vinculante, así como o cumprimento do cociente 1/30 -unha licenza de VTC por cada 30 taxis-. 


Pero, que pasa en Galicia? Leopoldo Villa, da Federación Galega do Taxi, declarou que a presenza destes vehículos en Galicia "vai crecendo", e achega datos. Segundo Vila, existen 500 licenzas na provincia da Coruña. Segundo a Consellería de Infraestruturas, en informacións publicadas polo diario Galiciaé no mes de abril deste ano, o número de licenzas de taxi da comunidade roldaba as 3.600 e as de VTC as 265, o que supoñería un cociente de 13,6 taxis por cada coche VTC.


UBER E CABIFY

Nas protestas iniciadas na cidade de Barcelona resoa constantemente os nomes de Uber e Cabify, compañías estadounidense e española respectivamente, que ofrecen un servizo de aluguer de coche con condutor. A pesar das licenzas para VTC expedidas na nosa comunidade, ningunha das dúas empresas ofrece servizos aquí. 


A compañía estadounidense só ofrece servizos, segundo a súa páxina web, en Barcelona, Madrid e Málaga. Ao tentar calcular o prezo para unha viaxe en Santiago de Compostela, a páxina infórmanos de que non está dispoñible, de igual maneira que noutras cidades galegas. 


Uber  galicia


Pola súa banda, Cabify ten presenza en Alacante, Barcelona, Madrid, Málaga, Sevilla e Valencia, tamén segundo o seu sitio online. 


Uber galicia cabify


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress