Outro revés xudicial contra unha decisión de De Lara

|

A titular do Xulgado de Instrución número 1 de Santiago de Compostela, Ana López-Suevos, ordenou o arquivo da causa aberta contra o presidente do Obradoiro C.A.B. e dono de Monbús, Raúl López, e o exgerente do Multiusos do Sar, Santiago Cadrado, por un delito contra a administración da xustiza.


DeLara


O auto do xulgado, datado ao 30 de abril e ao que tivo acceso Europa Press, determina o sobresemento provisional da causa que investigaba as supostas ameazas proferidas por López e Cadrado contra unha persoa, declarada testemuña protexida pola titular do Xulgado de Instrución número 1 de Lugo, Pilar de Lara, no marco da Operación Cóndor.


Ante este xulgado en xullo de 2016, o denunciante presentou un escrito no que aseguraba ser vítima de "un proceso de acoso e ameazas" por parte de López e Cadrado "dirixido a intimidar" a esta persoa, que denunciara "unha serie de irregularidades" nas que se viron implicados o presidente do club deportivo e o xerente das instalacións santiaguesas.


Ditas "irregularidades" tiñan que ver coa "xestión de Xade S.L., empresa de capital mixto, encargada da xestión dos recintos deportivos dependentes do concello de Santiago de Compostela" (cuxo apoderado é S.L.C.) e o suposto "transvase de diñeiro negro entre as sociedades Xade S.L. e Obradoiro Club Baloncesto (que preside Raúl López), o cal podería empregarse para efectuar remuneracións en B a empregados e xogadores do club".


No seu escrito, López Suevos determina que "resulta imposible por razóns cronolóxicas" que as supostas ameazas vertidas por Raúl López contra esta persoa "atópesnse relacionada co escrito de denuncia presentado" polo denunciante no xulgado de Instrución número 1 de Lugo.


"Sen entrar a valorar se as ameazas tiveron lugar ou non, en todo caso non serían constitutivas dun delito contra a administración de xustiza e non poden ser obxecto da presente causa", prosegue a resolución xudicial.


Ademais, en canto ás "chamadas ameazantes" que asegurou recibir o denunciante por parte dos acusados, o xulgado indica que "non existe ningunha proba obxectiva" da súa existencia, xa que o querellante "afirmou que borrou, por equivocación, o rexistro de dicha chamadas no seu terminal telefónica".


QUERELA POR CALUMNIAS

Así mesmo, tamén apunta que o demandante notificou ao Servizo de Vixilancia Aduaneira que estaba a recibir ameazas. Fíxoo o día 20 de marzo de 2017, o que coincide coas datas nas que se produciu o acto de conciliación dunha querela interposta por Santiago López Cadrado contra a testemuña protexida, ao que se lle acusaba dun delito de calumnias que se "xestou" meses antes.


O xerente de Xade presentara a querela por calumnias contra esta persoa, que fora expulsada como usuaria do Multiusos Fontes do Sar logo de que promovese queixas contra Santiago López Cadrado, chegando mesmo a remitir informacións aos medios ou a presentar un escrito pedindo o seu cesamento no Concello de Santiago.


"Esta coincidencia temporal avala a tese da defensa dos investigados de que a denuncia de ameazas puido ser unha reacción fronte á querela interposta", determina o xulgado, que tampouco cre probado que o denunciante fose sometido a un proceso de vixilancia, como tamén asegurou.


Así as cousas, conclúe que a querela por calumnias interposta por Santiago López Cadrado contra o denunciante "non forma parte dunha estratexia de persecución e acoso contra este por culpa da denuncia promovida no xulgado de Instrución número 1 de Lugo, pois a determinación da súa promoción é moi anterior a que o señor López Cadrado coñecese a existencia da devandita denuncia".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress