Primeiro torneo de tenis en cadeira de Rodas no Club de Campo de Vigo

O vigués Martín da Ponte e o aresano Álvaro Illobre protagonizarán el I Torneo de Tenis en Cadeira de Rodas que organiza o Club de Campo de Vigo este xoves. O club non é alleo a este deporte adaptado, xa que, segundo explica nun comunicado, sempre acolleu esta práctica. 

A partir das 16.00h, Martín da Ponte dirixirá un clinic coas nenas e nenos da escola de tenis, seguido doutro clinic ás 17.30h impartido polas profesoras e profesores da Escola de Tenis do Club de Campo a integrantes de Down Vigo. Xa ás 18.00h a pista central do club acollerá o partido entre da Ponte e Illobre, para rematar coas tres actividades que serán abertas a todo o público. 

O torneo, que conta coa colaboración da Obra Social A Caixa, Mascato, Coca-Cola e Down Vigo, coincide coa celebración do XI Memorial Genaro Borrás, que reúne a 220 tenistas de dez categorías distintas.