Novos horarios dos trens entre Galicia e Madrid e de moitos Media Distancia

Renfe modificará a partir deste luns, día 16, os horarios dos trens Alvia que unen Galicia e Madrid, para adaptalos ás condicións de circulación da vía, afectada polas obras que está a executar Adif no tramo comprendido entre Ourense e Zamora.

O cambio afectará tamén a nove trens de Media Distancia que operan entre cidades galegas, así como ao Trenhotel A Coruña-Barcelona, que adianta tres minutos a saída da Coruña e das estacións intermedias ata Monforte.

Algúns trens adiantarán a súa hora de saída, polo que Renfe recomenda aos usuarios que consulten os horarios na web da compañía (www.renfe.com) ou o teléfono de atención integral 912 320 320.

Para os clientes dos trens que adiantan a súa hora de saída e adquirisen o seu billete antes do 30 de xuño, Renfe ofrece a posibilidade de cambialos ou anulalos sen custo.