A Operación Enredadera salpica tamén ao Concello de Poio

A trama supostamente corrupta de semáforos e radares contratou tamén co Concello de Poio, segundo denuncia o PP. O alcalde do Bloque responde que non houbo irregularidades.

Un dos rexistros na Operación Enredadera

Luciano Sobral asegura que non houbo "ningún tipo de fondos nin nada semellante", en declaraciónes que recolle Faro de Vigo. Responde así as sospeitas lanzadas pola oposición sobre un contrato de 2010 para a posta en marcha dunha apliación informática para a xestión de multas e trámites da Policía Local de Poio.

Os conservadores aseguran que a adxudicataria foi unha das empresas involucradas na Operación Enredadera, pero non identifican cal. Engaden, ademais, que o prometido cando se presentou o contrato non se cumpriu finalmente.

O alcalde di que facilitará á oposición a comprobación de expediente. Admite que o resultado da adxudicación non foi totalmente satisfactorio debido a cuestións técnicas, pero destaca que "está tranquilo" respecto da tramitación.