A empresa do parking do hospital está a cobrar por encima das tarifas, denuncia o PSdeG

|

A Deputación de Ourense aprobou unhas novas tarifas para aparcar no Hospital de Ourense, primeira hora gratis incluída, a cargar desde o día 1. Con todo, a concesionaria non as está aplicando, segundo denuncian os socialistas.



Baltarourense

Manuel Baltar


O portavoz do PSdeG na Deputación de Ourense, Francisco Fraga, denunciou este luns que a empresa concesionaria que xestiona o aparcadoiro do Complexo Hospitalario Universitario de Ourense (CHUO) non está a aplicar as novas tarifas aprobadas no último pleno do ente provincial, celebrado o pasado 29 de xuño. Ante este "escándalo", pide explicacións "urxentes" ao titular da institución, Manuel Baltar.


A PRIMEIRA HORA ERA GRATIS SEGUNDO O ACORDO DA DEPUTACIÓN

Como proba diso, os socialistas enviaron un recibo no que se rexistra un cobro de 0,80 euros por unha estancia de 20 minutos no aparcadoiro, a pesar de que "a primeira hora debería ser gratuíta desde o 1 de xullo segundo os prezos vendidos "propagandísticamente por Baltar e aprobados polo pleno provincial", asegurou o PSdeG.


Así as cousas, Francisco Fraga tachou de "escándalo" que a empresa concesionaria "incumpra a regulación tarifaria" coa "complicidade" do presidente da Deputación.


"O timo con todo o relacionado cos aparcadoiros do hospital xestionados polo Partido Popular xa é unha burla descarada contra toda a cidadanía", criticou o portavoz.


PETICIÓN DUN INFORME TÉCNICO

O PSdeG anunciou a través do mesmo comunicado que xa rexistraron un escrito no que reclaman explicacións "urxentes" á Deputación de Ourense, que "debe vixiar o cumprimento estrito das condicións legais do contrato de concesión".


Así mesmo, o escrito en cuestión solicita un informe técnico que valore o "incumprimento da concesión, as súas consecuencias legais e a posible aplicación de sancións á empresa", recolle o comunicado dos socialistas.


Ademais, o PSdeG instou á institución provincial a que informe á cidadanía do seu dereito para solicitar a "inmediata devolución" dos cobros aplicados pola empresa concesionaria, "que está a incumprir o acordo plenario que lle obriga a aplicar desde o 1 de xullo de 2018 os prezos públicos aprobados".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress