Dous días de folga de ambulancias esta semana

|

O conflito laboral do transporte sanitario público galego continúa en marcha sen que, por agora, haxa perspectivas dun acordo. Sobre a mesa segue a advertencia dos traballadores de ir á folga indefinida a partir de setembro.



Protesta de traballadores do sector de ambulancias en Santiago.

Unha pasada marcha do sector de ambulancias


Por agora, o principal sindicato do sector, a CIG, anuncia paros este mércores e xoves. Ademais, haberá concentracións. Os folguistas reuniranse a as 10 horas do mércores diante do Hospital Clínico de Santiago e, tras pasar por urxencias, sairán en manifestación. O venres día 6 haberá outra concentración.


LICITACIÓNS Á BAIXA

A raíz do conflito é a negativa da patronal para negociar o convenio colectivo. Á súa vez, as empresas presionan á Xunta para que lles suba as adxudicacións. O axustadísimo das últimas licitacións e a entrada de Ambuibérica -un dos grandes operadores estatais- fixo apertar tanto o cinto ás operadoras galegas que alegan que prestar o servizo con estas cifras non é rendible. 


Por agora a Xunta segue sen mover ficha, argumentando que se trata dunha cuestión para resolver entre traballadores e empleadores.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress