Un dos delincuentes de 'La Manada' pillado renovando o pasaporte

A pesar de estar en liberdade baixo fianza con prohibición de saír de España, o garda civil do polémico grupo foi sorprendido cando tentaba renovarse o pasaporte.

A Policía Nacional revelou este xoves na súa conta de Twitter que un dos membros de 'La Manada', cuxa identidade non sinalou o corpo, foi "pillado" cando tentaba obter un pasaporte, aínda que ten prohibido abandonar territorio español porque se atopa en liberdade provisional a a espera de sentenza firme.

Con posterioridade ao tuit da Policía Nacional, varios medios deron a coñecer o nome do membro de 'La Manada': trátase de Antonio Manuel Guerreiro, membro da Garda Civil.

Os cinco membros de 'La Manada' foron condenados o pasado 17 de abril pola Audiencia Provincial de Navarra a nove anos de prisión cada un por abuso sexual con prevalimiento sobre unha moza nos Sanfermines do ano 2016, pero tras pasar algo menos de dous anos en prisión provisional, o pasado xoves foron postos en liberdade ao entender o tribunal que non había risco de fuga nin de reiteración delituosa.