Acusan a Gadis de meter medo e despedir ás traballadoras que reividican os seus dereitos
"En Gadis, negociando non logras nada e cando vas á Inspección, a resposta da empresa é a represión". Así critica o sindicato CIG á principal cadea de supermercados galega, en protesta polo despedimento dunha ex-representante dos traballadores.
"En Gadis, negociando non logras nada e cando vas á Inspección, a resposta da empresa é a represión". Así critica o sindicato CIG á principal cadea de supermercados galega, en protesta polo despedimento dunha ex-representante dos traballadores.
Protesta da CIG no GADIS de Mercado de Elviña (Avda. Salvador de Madariaga)
A CIG organizou este luns unha concentración diante do supermercado que Gadis ten na avenida Salvador de Madariaga co obxectivo de esixir o cesamento da súa política "represiva e antisindical" e a readmisión dunha traballadora que foi despedida "con falsos argumentos".
Así o explicou a central nacionalista nun comunicado no que explicou que a protesta organizouse á vez que o acto de conciliación polo despedimento, que concluíu sen acordo.
SUPOSTA REPRESALIA
Neste sentido, a CIG asegurou que detrás da decisión de prescindir da empregada "escóndese unha nova tentativa de amedrentar e perseguir ás traballadoras e traballadores que reivindican os seus dereitos".
E é que, segundo o relato sindical, o despedimento foi unha "represalia" polas denuncias presentadas contra a empresa para mellorar a prevención contra os riscos laborais.
Ademais, a CIG asegurou que a empregada estaba destinada no supermercado "máis pequeno" que Gadis ten na Coruña, "que parece máis unha tenda de barrio e no que traballan ao redor de dez persoas", das que catro delas son delegadas da CIG no comité provincial, segundo afirmou a organización.
UN SUPERMERCADO PEQUENO PARA ILLAR ÁS QUE PROTESTAN
"A empresa utiliza este supermercado como unha especie de lugar no que recluír ás traballadoras reivindicativas e as delegadas da CIG como castigo e para telas así desconectadas do resto de compañeiros", censurou o responsable de comercio de CIG-Servizos na Coruña, Roberto Pérez.
Así mesmo, sinalou que hai "ducias de queixas" á dirección da empresa polo comportamento da actual delegada do establecemento. "Pero a empresa fai caso omiso", lamentou para despois engadir que "negociando non se consegue nada" con Gadis, porque a súa resposta é "agredir á CIG e ás persoas que a representan".
Escribe o teu comentario