As rúas de Compostela son o escenario do novo videoclip de Mekánika Rolling Band

Mekánika Rolling Band estrea o seu videoclip En busca da festa, un festexo nas rúas de Compostela. A banda nicrariense, que rodou o vídeo na rúas do centro histórico, busca "seguir levado a festa" alá onde van. 

"No videoclip quixemos facer unha festa da nuestas, da que facemos a miúdo, contando coa fermosura das rúas de Compostela e, sobre todo, coa xente marabillosa que nos acompañou e respondeu masivamente á nosa chamada para acompañarnos na gravación", declara a banda. 

O grupo de Negreira, que deuse a coñecer no programa de Telecinco 'Got Talent', dá un paso mais na súa evolución musical "para converterse oficialmente", segundo contan, "nunha rolling band, co seu escenario rodante e motorizado". 

As súas actuacións traspasan a xeografía galega, "máis aló do EO, Pedrafita ou a Raia, e mesmo dos Pireneos", e dan ao redor de 100 actuacións ao ano. "Somos 8 músicos e un técnico de son qeu facemos un espectáculo de case 3 horas co único obxectivo de que a xente se divirta connosco", conclúen.