Sánchez outorga algunhas carteiras e Pilar Cancela segue soando como futura ministra

|

Carmen calvo


A socialista Carmen Calvo será vicepresidenta única e ministra de Igualdade no Goberno que está a configurar Pedro Sánchez, mentres que María Jesús Montero será ministra de Facenda e José Luis Ábalos será o titular de Fomento.


Calvo foi ministra de Cultura no primeiro Goberno de José Luis Rodríguez Zapatero (2004-2007) e actualmente é a secretaria Federal de Igualdade no PSOE, así como unha das persoas máis próximas a Pedro Sánchez.


Nada en Cabra (Córdoba) en 1957, é doutora en Dereito Constitucional e unha destacada defensora do feminismo. A xurista levou ademais o peso dentro do PSOE das negociacións ao redor da aplicación do 155 en Catalunya.


Josep Borrell aceptou o encargo de asumir a carteira de Asuntos Exteriores e Teresa Ribero fixese o propio co 'superministerio' que se encargará de Enerxía, Medio Ambiente e Cambio Climático.


FACENDA

María Jesús Montero é a actual conselleira andaluza de Facenda e Administración Pública, cargo que terá que abandonar para incorporarse ao novo equipo de Sánchez, o que obrigará a Susana Díaz a facer unha crise de goberno no seu Executivo. 


Segundo fontes socialistas, a marcha de María Jesús Montero ao novo Goberno da Nación é froito de intensas conversacións nas últimas horas entre a dirección do PSOE-A e a cúpula socialista en Ferraz.


Licenciada en Medicina e Cirurxía e cun máster en Xestión Hospitalaria pola Escola de Negocios EADA, Montero é a conselleira máis veterana no gabinete de Susana Díaz, que conformou en 2015 cando Montero repetiu no cargo tras once anos formando parte o goberno andaluz de maneira ininterrompida. 


Ostentaba a carteira de Facenda e Administración Pública desde 2013, departamento ao que chegou tras pasar nove anos á fronte da Consellería de Saúde, á que accedeu en 2004 da man de Manuel Chaves. A este cargo accedeu tras exercer desde 2002 como viceconselleiera do mesmo departamento.


Anteriormente foi subdirectora médica do Hospital Universitario Virxe de Valme de Sevilla entre 1995 e 1998. Neste ano incorporouse ao complexo sanitario Virxe do Rocío da mesma cidade, primeiro como subdirectora médica e posteriormente como subdirectora xerente.


Á marxe da súa traxectoria no ámbito sanitario, María Jesús Montero foi presidenta da Comisión de Marxinación do Consello da Mocidade de Andalucía entre 1986 e 1988, e posteriormente secretaria xeral do mesmo ata 1990. Desde 2008 é parlamentaria por Sevilla na Cámara autonómica.


ÁBALOS, MINISTRO DE FOMENTO

O secretario de Organización do PSOE, José Luis Ábalos, será ministro de Fomento, confirmaron fontes socialistas.


A vicesecretaria xeral do PSOE, Adriana Lastra, non entrará no Goberno, pero asumirá a portavocía parlamentaria no Congreso dos Deputados.


OS OUTROS MINISTERIOS

Á espera de que Sánchez faga oficial a súa carteira de ministros o mércores 6 de xuño, varios nomes seguen soando. O diario El País adianta o nome de Pilar Cancela, aínda pendente de confirmarse a súa carteira. 


A galega preside actualmente a Comisión de Igualdade no Congreso e exerce de Secretaria Federal da área de políticas migratorias e PSOE do Exterior. 


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress