Tráfico lanza unha campaña especial centrada nos repartidores, droga e alcol

Os condutores de furgonetas e as zonas de lecer son dous dos obxectivos dunha nova campaña de seguridade viaria. Así, a Dirección Xeral de Tráfico (DXT) iniciará o vindeiro luns, 4 de xuño, unha campaña especial de control da taxa de alcoholemia e de consumo de drogas entre os condutores, que durará ata o domingo 10.


|

Os condutores de furgonetas e as zonas de lecer son dous dos obxectivos dunha nova campaña de seguridade viaria. Así, a Dirección Xeral de Tráfico (DXT) iniciará o vindeiro luns, 4 de xuño, unha campaña especial de control da taxa de alcoholemia e de consumo de drogas entre os condutores, que durará ata o domingo 10.



Control guardiacivil


Segundo informa a Delegación do Goberno en Galicia, ao longo da próxima semana, axentes da Agrupación de Tráfico da Garda Civil intensificarán os controis deste tipo nas vías galegas.


ATENCIÓN ÁS ZONAS DE MARCHA

Tamén se fomentará a colaboración cos concellos das catro provincias para realizar probas en zonas urbanas, con especial incidencia nas zonas de lecer nocturno.


Ademais, incidirase no control de condutores de furgonetas "para asegurar desta maneira que este tipo de vehículos, que se dedican nun número importante ao transporte de paquetería, desenvolven a súa actividade baixo os mesmos parámetros de seguridade e control que o resto de usuarios", indican as mesmas fontes.


Por parte da Delegación do Goberno en Galicia lémbrase que "o alcol é un factor concorrente ou determinante nun terzo dos accidentes mortais de circulación". "A súa presenza na condución, dependendo da súa taxa, multiplica entre 2 e 15 veces o risco de sufrir un accidente, ademais de ser un factor agravante das súas consecuencias", advirte.


SEGURIDADE VIARIA

Por iso, a estratexia de 'Seguridade Viaria 2011-2020' establece entre os seus obxectivos descender do 1% os positivos por alcoholemia nos controis preventivos aleatorios.


En España, case un 15% de condutores conducen tras consumir algunha substancia que poida afectar á capacidade para unha condución segura, explican as mesmas fontes, que engaden que o cannabis (THC) e a cocaína son as dúas substancias achadas con máis frecuencia.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE