Máis controis de Tráfico sobre o cinto ante o repunte de mortes

|

Case un de cada catro falecidos en accidente de tráfico non levaba o cinto de seguridade posto. Moitos aínda pasan de usalo cando os desprazamentos son curtos e por vías convencionais.Eles son o principal obxectivo dunha campaña especial de Tráfico que empeza hoxe.


A Dirección Xeral de Tráfico (DXT) pon en marcha este luns en Galicia unha campaña específica, no ámbito autonómico, co obxectivo de influír naqueles condutores ou ocupantes de vehículos que aínda non fan uso do cinto de seguridade ou sistemas de retención infantil, segundo informa a Delegación do Goberno.



Control guardiacivil


Do 14 ao 18 de maio, os axentes da Agrupación de Tráfico da Garda Civil e as policías locais que se somen á campaña incrementarán a vixilancia do uso do cinto de seguridade e dos sistemas de retención infantil tanto en vías interurbanas, con especial incidencia nas estradas convencionais secundarias e nas vías urbanas.


"O obxectivo é que todos os ocupantes dos vehículos fagan uso do cinto de seguridade independentemente da vía pola que transiten", explica sobre a campaña. Ademais, lembra que "cientificamente, está demostrado que o uso destes dispositivos nos vehículos reduce á metade o risco de morte en caso de accidente".


SINISTRALIDADE

Respecto diso, lembra que na última reunión da Comisión Autonómica de Tráfico e Seguridade Viario recollíase como dato negativo o incremento da porcentaxe de falecidos en turismos e furgonetas que non facían uso do cinto de seguridade (39% fronte ao 27% do ano anterior).

Fronte a iso, os datos do ano 2017 apuntaban a un descenso histórico de accidentalidade mortal en Galicia (76 falecidos fronte aos 106 do ano 2016).


O mesmo balance de sinistralidade puxo de manifesto que o 89% dos accidentes mortais en Galicia producíronse en estradas convencionais. Por iso, a campaña de vixilancia que se inicia o luns poñerá o acento nas estradas convencionais e, entre elas, nas vías secundarias e urbanas.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress