A Xunta lávase as mans na folga de ambulancias


Galiciapress toma o pulso ao Goberno ante as primeiras xornadas do paro no transporte sanitario, unhas folgas virulentas no pasado. A Xunta responde que "os desacordos na negociación do convenio colectivo" son "un asunto estritamente privado".


|

Galiciapress toma o pulso ao Goberno ante as primeiras xornadas do paro no transporte sanitario, unhas folgas virulentas no pasado. A Xunta responde que "os desacordos na negociación do convenio colectivo" son "un asunto estritamente privado".



Folga ambulancias cig ferrol

Protesta da CIG en Ferroldurante a folga da pasada semana


O certo é que a práctica totalidade de empresas do sector traballan directamente para a administración pública. Empresas que no seu día tiveron que apertarse moitísimo o cinto ante o axustado das licitacións da Fundación Pública Urxencias Sanitarias de Galicia -061.  Tanto, que agora din que simplemente non poden pagar os salarios, polo que a patronal esixe unha rebaixa de remuneracións e leva dous anos co convenio colectivo conxelado. Os traballadores alegan, claro, que eles non son culpables de que se presentasen esas ofertas á baixa.


O EFECTO "AMUIBÉRICA"


Por agora desde San Caetano a mensaxe que sae  é que isto non vai con eles, trátase dun asunto "estritamente privado", produto dos "desencontros" entre  patronal e representantes de os proletarios. A máxima implicación que mostra a Xunta no conflito é un chamamento á "responsabilidade" para "o dereito de folga fágase compatible con respecto aos bens e ás persoas, garantindo a asistencia sanitaria urxente". 


É necesario lembrar que en pasadas folgas arderon ambulancias do 061. E que a pasada semana, no conflito de Euskadi, arderon varias ducias de Ambuibérica, subcontrata castelá que tamén traballa en Galicia, de feito o seu desembarco no país é unha das causas da caída das licitacións e, por tanto, polo menos indirectamente, do bloqueo do convenio e a subsuquente folga.


O 061 DILLE ÁS CONCESIONARIAS QUE SABÍAN O QUE HABÍA CANDO SE PRESENTARON


"Respecto da contratación da Rede de transporte sanitario urxente no ano 2015, trátase dun procedemento aplicado pola Fundación independente e á marxe da negociación do convenio colectivo que se realizou seguindo escrupulosamente a lexislación vixente", argumenta a Fundación.


Curiosamente, traballadores e Xunta coinciden nun punto, as empresas non poden botarse agora as mans á cabeza e alegar que non cobren gastos, porque sabían o que había. Así, a Fundación sinala que "as empresas licitadoras presentaron as súas propostas coñecedoras dos requisitos establecidos nos pregos de condicións para a contratación", lembran desde o Executivo.


Así, as cousas, parece difícil que desde San Caetano salga algunha medida -como aumentar o que cobran as adxudicatarias- que sirva para poñer fin ao conflito, polo menos por agora. Afectará isto á calidade do servizo público? Non, di a Xunta, porque o 061, "como servizo esencial, está preparado para prestar a mellor asistencia sanitaria urxente á poboación, sen que a convocatoria de xornadas de folga prexudiquen á ciada asistencia e a cidadanía poida exercer o seu dereito para recibir asistencia sanitaria máis adecuada ás súas necesidades". 


A Fundación lembra que "o establecemento dos servizos mínimos no sector do transporte sanitario urxente é do 100% e garántense a cobertura sanitaria das urxencias e emerxencias as 24 horas en toda Galicia". 


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE