A mina de Touro contrata a un cargo do PP

Leyre Aldasoro Fernández foi nomeada  secretaria de organización da xestora dos conservadores en Arzúa o ano pasado. Tamén foi portavoz de o Partido Popular en Arzúa  durante varios anos ao redor de 2010.

 Aldalsoro nunha imaxe co presidente da Xunta publicada no wordpress de Armando Cascón

Segundo o seu perfil público na rede social Linkedin, desde febreiro traballa como responsable administración de Cobre San Rafael, que é a filial de Atalaia Minning, a multinacional que pretende reabrir a mina de cobre de Touro - O Pino. No seu currículo na rede social non figura experiencia previa no sector mineiro.

A pesar de que en teoría o proxecto está pendente da luz verde da Xunta, Cobre San Rafael hai varias semanas que abriu unha web na que, ademais de promocionar a mina, recolle currículos vitae. A corporación tamén montou dous puntos de información nos concellos afectados directamente, Touro e O Pino.

A promesa de crear 400 postos de traballo directos na explotación, que duraría 25 anos, é o principal argumento dos defensores do proxecto, entre os que están os dous alcaldes do Pino e Touro, tamén do PP.

En Río Tinto, o outra gran investimento de Atalaia en España, a empresa asinou polo menos un protocolo co municipio local  (Minas de Río Tinto) polo que se compromete a contratar persoas das localidades veciñas. Con todo o PSOE municipal protestou recentemente pola contratación de operarios portugueses.

Aldasoro nun acto do PP