O deputado do BNG Luís Bará rompe unha foto de Felipe VI no pleno parlamentario para pedir derrogar a Lei Mordaza

|

20180411125019
O deputado nacionalista na pleno | Imaxe: BNG


O deputado do BNG Luís Bará rompeu un retrato do rei Felipe VIN este mércores no pleno do Parlamento, en defensa da Proposición non de Lei para modificar o código penal e derrogar a Lei de Seguridade Ciudana, máis coñecida como Lei Mordaza. Durante a súa intervención, o nacionalista clamou pola defensa dunha iniciativa en contra da interpretación "represiva" dos delitos de incitación ao odio e enaltecemento do terrorismo

Bará, que foi alto cargo do Goberno bipartito de PSdeG e Bloque, defendeu, mentres mostraba dúas fotografías do rei, que "romper este retrato" non é un delito, senón o "ABC da democracia" e alegou que non o podía queimar por estar "nun espazo pechado".

O nacionalista fixo referencia a principios como a liberdade de expresión e o pluralismo aludindo á condena a España por parte do Tribunal Europeo de Dereitos Humanos (TEDH) en relación aos mozos cataláns Jaume Roura Capellera e Enric Stern Taulats.

A Audiencia Nacional impuxera a estes dous mozos 15 meses de cárcere en 2008 por un delito de inxurias á Coroa -unha pena que foi substituída por multa de 2.700 euros- por queimar unha foto dos Reyes tras unha manifestación en Xirona.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress