Novo teléfono para denunciar a inendiarios de maneira anónima

A Xunta detalla unha nova medida para combater a tolerancia social dalgúns cos que provocan os lumes que arrasan periodicamente Galicia.

O 900 815 085 será o número de teléfono que activará a Xunta para que os galegos poidan denunciar de forma anónima e confidencial a incendiarios na Comunidade.

Así o avanzou este martes no Parlamento galego o conselleiro de Medio Rural, José González, quen sinalou que neste teléfono gratuíto poderase alertar de "calquera comportamento presuntamente incendiario". O obxectivo é incrementar a "concienciación social" fronte a "delincuentes" que "poñen en perigo" á poboación, para os que pide "tolerancia cero".

Nunha comparecencia para presentar as liñas mestras do plan contra lumes en Galicia (Pladiga) deste ano, aprobado a principios de mes no Consello de la Xunta, José González fixo unha chamada a todos os grupos da Cámara galega para levar a cabo "un pacto autonómico" de loita contra a "secuela" dos incendios forestais.