A creación de empresas en Galicia descende un 7,7% no seu noveno descenso consecutivo

|

Traballadores


Noveno descenso consecutivo no número de novas sociedades mercantís en Galicia, tras unha baixada do 7,7% en febreiro en comparación co mesmo mes do ano anterior, ata sumar 360, segundo os datos que publica este martes o Instituto Nacional de Estatística (INE). As disolucións, pola súa banda, caeron un 13,2% no segundo mes de 2018, cun total de 138, delas 111 voluntarias e 8 por fusión, ás que hai que sumar 19 doutro tipo non especificado.


En canto ás sociedades creadas, supuxeron a subscrición de 6,5 millóns de euros e o desembolso da mesma contía. Ningunha optou pola fórmula de sociedade anónima, senón que todas se constituiron como sociedades limitadas.


Mentres, ampliaron capital 131 empresas o segundo mes do ano na comunidade galega, por un valor de 149,9 millóns de euros. Unha delas era sociedade anónima, cuxa ampliación alcanzou os 1,9 millóns. As restantes 130 eran sociedades limitadas, por 147,9 millóns.

Ao lado contrario, reduciron capital 18 sociedades mercantís galegas, por 7,7 millóns de euros. Ningunha empresa desembolsou dividendos pasivos en febreiro.

DATOS ESTATAIS
A nivel nacional, o número de novas sociedades mercantís baixou un 1,1% en febreiro respecto ao mesmo mes de 2017, ata sumar 8.747 empresas, mentres que as disolucións empresariais subiron un 1,6%, ata totalizar 2.284.

Deste xeito, a creación de empresas volveu a terreo negativo no segundo mes de 2018 despois de aumentar un 5,8% interanual no mes de xaneiro.

O 18,8% das sociedades mercantís creadas en febreiro dedícase ao comercio e o 15,2% á construción. En canto ás sociedades disoltas por actividade económica principal, o 20,9% correspondeu ao comercio e o 15,9% á construción.

Para a constitución das 8.747 empresas creadas en febreiro subscribíronse máis de 454 millóns de euros, o que supón un descenso do 18,5% respecto ao mesmo mes de 2017, mentres que o capital medio subscrito, que se situou en 51.914 euros, baixou un 17,6% en taxa interanual.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress