​Xinecólogos convocan folga: “A seguridade asistencial está comprometida”

Os médicos do servizo de xinecología e obstetricia do Complexo Hospitalario Universitario da Coruña (CHUAC) votaron a semana pasada se ir á folga do 16 ao 21 de abril. De 40 facultativos en persoal, 31 votaron que se. Os outros nove, abstivéronse. Ninguén votou en contra. É tan grave a situación?

Presidente da Xunta e conselleiro en visita ao CHUAC

No referido á atención urxente a mulleres con problemas, os galenos argumentan que simplemente carecen de suficientes compañeiros para ofrecer unha atención digna.

SEN TEMPO PARA OFRECER UNHA BOA ATENCIÓN

"Non aspiramos a traballar máis comodamente por ter máis tempo en consulta, senón en dispoñer daquel necesario para garantir unha boa praxe médica", sinalan nun comunicado no que alertan de “graves carencias do servizo”. O seu obxectivo principal é aumentar o persoal que fai gardas para “traballar con maiores garantías de seguridade para os nosos pacientes. Por exemplo, que haxa máis de dous especialistas atendendo urxencias.

Tanto o Concello da Coruña como o Colexio Oficial de Médicos apoiáronos nas súas protestas, que levan meses en marcha. Os intentos de negociacións coa xerencia da EOXI están en marcha polo menos desde o verán pasado.

Os xinecólogos quéixanse do “ninguneo” da Administración. O certo é que por agora o SERGAS garda silencio e non reaccionou á convocatoria de paro, que di aínda non é oficial.

Os traballadores piden desculpas por adiantado pero entenden que así poderían acabar con esta situación de precariedade asistencial.