Sen tren entre Ourense e Vigo durante dez días

Dez días levaralle ADIF liquidar un problema causado pola lluvía nas vías na zona de Arbo. Di que é moi complicado levar a maquinaria necesaria ata a zona de reparación.

O tráfico ferroviario entre Ourense e Vigo atópase interrompido desde a mañá deste luns por unha incidencia na liña ferroviaria no tramo Arbo-Frieira (Pontevedra), ocasionada polo temporal de choivas rexistrado nos últimos días.

Así o comunicou Adif, que concretou que o tráfico ferroviario desta liña --de vía única-- está cortado desde as 11,30 horas do luns, ao producirse un focha nunha zona de terraplén e deformarse a vía.

Os servizos de mantemento de infraestrutura de Adif traballan xa para "restablecer canto antes o servizo con plenas garantías de seguridade", aínda que estima que os traballos se prolongarán uns 10 días, xa que "é moi complicado o acceso da maquinaria á zona da incidencia".

Ante estas circunstancias, Renfe estableceu un plan alternativo de transporte para os trens afectados, a través de transbordos ou traslados totais ou parciais por estrada. A información sobre os cambios no servizo pódese consultar na páxina web de Renfe, a través da sección de 'Avisos'.