Xosé Regueira

Xosé Regueira é o vicepresidente da Deputación da Coruña polo BNG. Membro tamén do consistorio de Carballo, está preparando a provincia da Coruña para o acontecemento do século: o eclipse de sol previsto para o 12 de agosto. O principal punto é como xestionar a afluencia de xente e evitar colapsos innecesarios, sobre todo nas áreas da costa. Por outra parte, considera o goberno provincial un exemplo de gobernabilidade alternativo ao PP. Non dubida que o BNG terá uns bos resultados de cara ás autonómicas grazas á candidatura de Ana Pontón. Salienta que grazas ao Plan Único do executivo provincial moitos concellos pequenos da provincia poden levar adiante tanto obras como outras accións que serían imposibles sen ese plano.