serga

Galicia adianta a partir do venres o toque de queda ás 22,00 horas, toda a hostalería deberá pechar a partir das 18,00 horas e os comercios terán un horario máximo ata as 21,30 horas. Estas medidas súmanse ás recomendacións de evitar ao máximo as reunións ou encontros con non conviventes, que están limitadas a catro persoas en toda a comunidade, e de levar a cabo unicamente actividades "esenciais".

O presidente da Xunta en funcións, Alberto Núñez Feióo, insistiu na súa reclamación de que o Estado elabore unha lei específica para actuar na contención da pandemia, á vez que advertiu de que as comunidades traballan "sen ningún tipo de rede".