hibernarse

Con agarimo, con coidado, coa dedicación que merece cada un dos seus temas, María SOA e Sara Faro veñen de estrear 'Hibernarse', o último traballo de Fillas de Cassandra. Este EP supón unha nova etapa nesta formación que viviu un ascenso meteórico en dous anos de traxectoria, onde se converteron nun dos nomes propios da escena galega. Estas cantareiras modernas pasarán o Día das Letras Galegas en Madrid, onde levarán o galego e a memoria das cantareiras. Antes, María atende a Galiciapress para debullar este último traballo, o máis multidisciplinar de todos, antes de abrir un tempo de descanso logo de dous anos sen parar de actuar e compor.