catuxa salom

Catalina Salom Nunia (Vilagarcía de Arousa, 1989) é a cara visible de Catuxa Salom, un proxecto musical que xa conta cunha nutrida lexión de seguidores que esperan con impaciencia a publicación do seu primeiro disco, 'Cāldo', que verá a luz o vindeiro xoves 21 de novembro. Cunha cunca na man, Galiciapress proba un pouco desa mestura que cociñou a artista "a lume lento" con ritmos típicos da música galega e a súa herdanza arxentina xunto a un directo que estreará en 2025 e que, como adianta nesta entrevista, estará cheo de sorpresas e novidades.