Asasinan no Porriño a unha traballadora de axuda no fogar de 48 anos durante a súa xornada
A muller morreu de forma violenta e as autoridades detiveron a un home de 73 anos como presunto responsable.
Un tráxico suceso ha gopleado esta mañá a localidade pontevedresa do Porriño, onde as autoridades reportaron a morte violenta dunha traballadora do servizo de axuda no fogar a mans, aparentemente, da parella dunha das mulleres ás que asistía durante a súa xornada laboral.
SUCESO
Trátase, polos datos que transcenderon até agora, dunha profesional do servizo de asistencia en docimicilios, de 48 anos e veciña de Mos. Foi atopada sen vida por un familiar da parella á que asistía e con lesións que apuntan a unha morte violenta no lugar no que traballaba.
Fontes próximas á investigación sinalan que a arma do crime podería ser unha machada ou un obxecto similar co que foi golpeada e a cabeza. A investigación está en curso e agora os esforzos concéntranse en esclarecer o ocorrido.
Nese sentido, todo apunta a que o responsable é un home maior, de 73 anos e residente na parroquia de Atios. O suceso tería lugar a primra hora da mañá e o sospeitoso foi achado no lugar "con manchas de sangue, desorientado e realizando manifestacións incoherentes", afirmou o subdelegado do Goberno, Abel Losada. O home foi detido e ingresado nun centro médico para a súa avaliación psiquiátrica.
A parella do investigado sería a beneficiaria dos servizos sociais do Concello, tal e como confirmou o alcalde porriñés, Alejandro Lorenzo, despois de que, sinalan algunhas fontes, sufrise un ictus que a deixou incapacitada. A muller non figura na base de datos de Viogen e nada fai crer aos investigadores que se trate dun crime machista.
CONCENTRACIÓN Ás 20 HORAS
Desde o Concello detallan que ás 20 horas celebrarase unha concentración e un minuto de silencio, con representantes do Concello de Mos, de onde era natural a vítima, a pesar de que levaba varios anos empadroada no Porriño.
O rexedor trasladou á familia e achegados da muller as súas condolencias e subliña que non tiñan coñecemento de ningunha "situación irregular" ou problema na atención nesta vivenda.
Escribe o teu comentario