Falece un home por unha indisposición mentres circulaba cun vehículo agrícola
Os profesionais sanitarios non puideron máis que confirmar a morte do home. Tamén acudiron ao lugar a Garda Civil e o GES de Mos
Un home faleceu na mañá deste pasado xoves en Pazos de Borbén tras supostamente sufrir unha indisposición mentres circulaba cun 'chimpín'.
Foi sobre as 11.00 horas cando o 112 Galicia tivo constancia dos feitos a través dun particular, que alertaba de que un home estaba inconsciente tendido no solo á beira do seu vehículo agrícola.
En concreto, todo ocorreu no lugar de Ou Valado, na parroquia de Nespereira. Segundo explicaba esta persoa, o home podería sufrir unha indisposición, dado que o vehículo non estaba accidentado.
Por iso, até o punto desprazouse un helicóptero medicalizado do 061-Galicia. Con todo, os profesionais sanitarios non puideron máis que confirmar a morte do home. Tamén acudiron ao lugar a Garda Civil e o GES de Mos.
Escribe o teu comentario